Qendërmbrojtësi i Gjermanisë dhe Arsenalit Shkodran Mustafi deklaroi se "Topçinjtë" janë shumë herë më tepër të motivuar për të fituar Europa League-ën për shkak të mungesës së yllit Henrikh Mkhitaryan për motive politike mes vendlindjes së tij Armenisë dhe organizatorit të finales Azerbajxhanit.
"Është e turpshme që ai nuk do të jetë atje, veçanërisht për faktin se ka luajtur që nga fillimi i këtij rrugëtimi drejt finales, por skuadrën e ka të qartë në mendje: Duam të gjithë të fitojmë për Mickin", shprehet Mustafi për "Kicker".
Ish-kampioni i botës me Gjermaninë në vitin 2014 dhe fituesi i Kupës së Konfederatave në 2017 do të kërkojë në 29 maj në Baku trofeun e tretë prestigjioz në karrierë. Ai pritet ta nisë supersfidën me Chelsean si titullar.
Lexo gjithashtu
