Partizani nuk ndërron as hotelin dhe as fushën e stërvitjes edhe për ndeshjen e Champions League. Të kuqtë u akomoduan në një nga hotelet e Elbasanit gjatë ditëve para dhe pas takimit me Slovan Bratislavën, ku u ndeshën për raundin e parë eliminator të Europa League. Të njëjtën gjë po e bëjnë edhe për takimet që do të zhvillojnë kundër hungarezëve të Ferencvarosh.
“Demat” kanë kryer seancën e parë stërvitore për takimin e radhës, duke qenë se dje janë lënë të lirë për shkak të ngarkesës së lartë që lojtarët kishin marrë nga stërvitja, ndeshja dhe udhëtimi për në Sllovaki.
Klubi me anë të një njoftimi zyrtar në faqen e tyre në “facebook” bën me dije axhendën në prag të sfidës me hungarezët, ndërsa bëjnë me dije se Emiliano Vila nuk po kalon gjendje të mirë fizike pas dëmtimit në sfidën e luajtur ndaj Slovan-it.
“Pas 24 orë pushimi të akorduar nga stafi teknik skuadra rinis përgatitjet në kuadër të ballafaqimit të rëndësishëm ndaj Ferencvaros i vlefshëm për raundin e dytë të Champions League. Në drejtimin e trainerit Adolfo Sormanit grupi i lojtarëve ka zbritur sot në ambjentet e kompleksit sportiv “PEPA” të qytetit të Elbasanit në orën 18:30. Seanca e sotme ka rezultuar a karakterit tekniko- taktik. Grupi i lojtarëve gëzon një gjendje të mire fizike me përjashtim të Vilës që pësoj një dëmtim të lehtë në takimi miqësor ndaj Slovan Bratislavës. Nga sot skuadra është grumbulluar në qytetin e Elbasanit në rezidencën “Hotel Univers” vend në të cilin do të qëndrojë deri ditën e mërkurë ,ditë në të cilën do të luhet edhe takimi Partizani – Ferencvaros në stadiumin “Elbasan Arena” ora 20:00”,njofton klubi i kuq.
