Magguete Gueye ka rrëmbyer vëmendjen, pasi u detyrua të largohej në minutën e 57-të të ndeshjes Partizani – Egnatia(1-1). Dëmtimi i yllit të ekipit ka bërë që te klubi të jenë me “dorë në zemër”.
Kjo pasi te Maguette shihet potenciali i madh drejt objektivave sezonalë dhe jo vetëm. Mesfushori i talentuar u lakua për një largim të mundshëm në janar, ndërsa vështirë që Partizani të rezistojë gjatë verës.
Vizitat mjekësore janë kryer, por akoma mungon përgjigjia kur tre ditë kanë kaluar. Dhe pse nuk ka informacion të detajuar nga stafi mjekësor, për Maguette mund të thuhet se nuk do jetë i gatshëm për Dinamon.
Derbi luhet të shtunën ora 17:00 në stadiumin “Niko Dovana. Të kuqtë vuajnë për fitore në javët e fundit të Superiores, ndërsa në 11 ndeshje kanë fituar vetëm ndaj Teutës.
Lexo gjithashtu
