Të premten e shkuar, Partizani ka arritur një fitore shumë të rëndësishme në Korçë ndaj Skënderbeut me rezultatin 0-1, e vlefshme për javën e 19-të të Superiores.
Megjithatë, sot, skuadra e drejtuar nga Skënder Gega është riktheyr përsëri në stërvitje për të marrë "dozën" e nevojshme për t'u përgatitur në sfidën me Kamzën, raportohet në faqen zyrtare të të kuqve.
Në lidhje me këtë takim, tekniku nuk do të ketë të pranishëm mesfhsorin Ardit Hila dhe Lorenc Trashi, pasi ky i fundit mori karton të kuq ndaj kampionëve të vendit.
"Skuadra i është rikthyer sot përgatitjeve, pas dy ditësh pushimi. Nën drejtimin e trajnerit Gega dhe stafit teknik grupi i lojtarëve ka zhvilluar sot në orën 15.00 seancën e programuar në kompleksin "Fooball Republic". Për takimin ndaj Kamzës i vlefshëm për javën e 20-të, trajneri Gega do të vuaj mungesat e Trashit të skualifikuar dhe Hilës të dëmtuar. Të martën ekipi do të kryej dy seanca stërvitore paradite dhe pasdite".
Lexo gjithashtu
