Partizani “all-in” edhe në volejboll, 4 blerje për ekipin e femrave

Partizani duket se i ka prishur “frenat” në këtë merkato. Pas prurjeve të njëpasnjëshme te skuadra e futbollit, të kuqtë kanë zyrtarizuar edhe 4 blerjet më të reja të ekipit të volejbollit për femra.

Bëhet fjalë për Klonarda Nezaj, që braktis Mirditën për tu ribashkuar me kryeqytetasit. Afrimet e tjera janë Joana Kushi nga Tirana, Fatbardha Picaku dhe Jola Gjermani nga Barleti Volley.

Më parë kishte firmosur lojtarja e kombëtares së Sllovenisë, Romana Hudecova, duke konsoliduar kështu grupin tek të kuqtë.