Nga Namik Mehmeti
Duke hapur celularin sot në mëngjes, më tërhoqi vëmendjen një përshëndetje nga ato të zakonshmet të kryeministrit Edi Rama drejtuar shqiptarëve: Arriti në Durrës autobusi i Romës! Në foto dukej edhe autobusi i klubit “AS Roma” dhe mascoti tradicional i këtij klubi. Padyshim ngjyra “gjallorossi” krijonte reflekse si të një pikture moderne. Ishte një lajm befasues ky i dhënë nga një kryeministër që do t’i thoshte shqiptarëve se edhe ky lajm më takon mua si kryeministër për t’u servirë medieve, sigurisht atyre të majtave.
Shumë i Zoti kryeministër që i del koha për t’u marrë me të tilla lajme, kur populli i tij ka humbur orientimin e busullës, nga korrupsioni, vrasjet, vjedhjet, varfëria e tejskajshme. Me të tilla sensiacione, ai mendon se të gjithë shqiptarët do të harrojnë problemet e ditës, ku kryesorja është sigurimi i bukës së gojës. Kryeministër për kokë të kryeministrit që mendon se intervista e tij në sportive “Corriera della Sera” i ka bërë me krah shqiptarët të cilët mësuan se një gjyshe i ka rrënjët në Trieste, njëherë ka thënë në Shkodër, pra nuk dihet sesa gjyshe mund të kenë pasur.
Po tek autobusi i Romës ç’ka dojshe me i tregue bashkëkombasve të tu, kur ata edhe ti nuk kishit lindur? E kishin parë këtë autobus si studentë e tregtarë dhe mbushnin stadiumin e Romës për të ndjekur futbollistin e saj Naim Kryeziu, kur në vitet e diktaturës enveriane ato shpiknin antenat për të parë kampionatin italian RAI?
Dhe para 30 viteve shqiptarët që gjetën tokën e premtueme, Italinë, i befasuen ato kur jo vetëm njihnin me dhëmbë e dhëmballë historinë, futbollistët e kombëtares italiane, të Interit, Milanit, Romës, Juventusit etj.
Afro tri dekada më parë, djali Besniku, si të gjithë moshatarët e tij gjimnazistë u hodh përtej Adriatikut dhe filloi universitetin për shkenca politike në Firenze. Letrën e parë që më dërgonte kishte edhe një foto të ekipit të Interit për të cilën skuadër bënim tifo familjarisht. Dhe sot këtu në Itali nuk e kemi tradhëtuar Interin, ku trajneri Mourinho i ktheu lavdinë internacionales italiane.
Mourinho u bë pjesë e të gjithëve dhe këtu në Firenze dhe kur iku nga Inter, asnjë nuk e tradhëtoi skuadrën milaneze. Jo si ju që për hir të një finaleje në Tiranë, ku Roma i Kumbullës shkodran do të jetë krenaria e shqiptarëve, e braktisni Juven.
Tifozllëk komercial, tifozllëk për të treguar se futbollin e kam detyrë e angazhim më parë se FSHF dhe presidenti i saj Armando Duka. Një gjë e vërtetë duhet thënë: Finalen e 25 majit e solli Duka në Tiranë, kurse Rama solli autobusin. Dhe me këtë rast të ardhjes së autobusit jo nga Italia, por një planet tjetër, kryebashkiaku Lali Eri të mos u fsheh miqve italianë që drejtojnë autobusin, historinë e autobusit urban të Lanës.
Po nesër çfarë do të afrojë facebook-u i Edi Ramës? Mos u habisni, ndoshta një foto me Mourinjon nga mbërritja e Romës në Rinas.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
