Partizani ia doli të merrte një fitore tejet të rëndësishme në ''Elbasan Arena'' ndaj Skënderbeut, duke fituar 4-0. Të kuqtë bënë një lojë fantastike, duke mos e diskutuar për asnjë çast triumfin.
Tifozët e ekipit kryeqytetas nuk munguan në këtë ndeshje, teksa kanë zgjedhur ta shikojnë ekipin e zemrës nga afër. Me këngë dhe një atmosferë pozitive, ata shijuan në maksimum këtë 90 minutësh. Edhe pse masat e marra ndaj Covid-19 nuk lejojnë grumbullimet, kur bëhet fjalë për Partizanin, ata janë gjithmonë aty. Lojtari i 12-të nuk e ka braktisur për asnjë çast skuadrën, as në momentet më të vështira.
Partizani tanimë merr kryesimin, teksa numëron 10 pikë. Në krahun tjetër, Skënderbeu mbetet në kuotën e 4 pikëve dhe renditet e parafundit.
Poll
Lexo gjithashtu
