Partizani dhe Tirana kanë nënshkruar një kontratë në bazë të së cilës të kuqtë do t'i luajnë ndeshjet si pritës në shtëpinë bardheblu. Një nga kushtet e kësaj marrëveshje ishte që sektorët e tribunës D1 dhe D2 nuk do të përdoren nga klubi i kuq si për tifozët e tij, por edhe për ata pritës duke qenë që është një sektor që qëndrojnë Fanatiksat e Tiranës. Megjithatë 15 herë kampionët e vendit kanë "provokuar" me njoftimin për çmimet e biletave teksa bëjnë me dije:
" Klubi ju bën me dije çmimet e biletave për takimin FK PARTIZANI – KF VLLAZNIA
Ju njoftojmë se për këtë takim çmimet e biletave në Tribunat respektive të stadiumit “Selman Stërmasi” do te jenë:
Biletat në Tribunat A dhe B do të kushtojnë 700 Lek
Biletat në Tribunat C,D,E,F,G, dhe H do të kushtojnë 200 Lek
Tifozeria mike nga Shkodra do të ketë në dispozicion Tribunën H1, H2
Për Femrat hyrja në Tribunat C, D, E, F, G do të jetë falas.
Biletat do të mund ti siguroni duke filluar nga dita e Shtunë nga ora 9:00 pranë pikës së shitjes, në stadiumin “Selman Stërmasi”.
Të gjithë në stadium për të festuar dhe mbështetur së bashku ekipin në fushë".
Siç shihet në njoftimin e Partizanit është përfshirë edhe sektorët e tribunës D, duke nxjerrë në shitje biletat për tifozët e tyre.
[gallery columns="1" size="full" ids="79639"]
Lexo gjithashtu
