Nuk përfundojnë provat, te Vllaznia vjen një malazez

Filip Kalacevic

Vllaznia mendon se ka siguruar prapavijën, ndërsa ende nuk janë mbyllur hesapet me mesfushën dhe sulmin. Për këtë, janë thirrur në provë disa lojtarë, të cilët më shpejt janë larguar sesa janë provuar. Megjithatë, për trajnerin Cungu, duhet që të jetë lojtar me potencial për kuqeblutë.

Ndërsa në miqësoren e djeshme është provuar malazezi Filip Kalaçeviç, i cili luan në rolin e mesfushorit organizator. Prova për të do të jetë edhe për disa ditë, pasi tekniku Cungu ende nuk ka përcaktuar të ardhmen e tij.