Le Parisien ka raportuar që Federata Franceze e Tenisit (FFT) ka rënë dakord të shtyjë “përplasjen” e madhe me një javë tjetër pas bisedimeve me Shoqatën e meshkujve Profesionistë të Tenisit (ATP) dhe Shoqatës së Tenisit të femrave (ËTA). Përpara se sporti të ndalohej për shkak të pandemisë së COVID-19, Turi Francez ishte planifikuar të zhvillohej midis 18 maj – 7 qershor. Organizatorët tani thuhet se kanë rregulluar datat për herë të dytë dhe i kanë caktuar të zhvillohet në mes të 27 shtatorit dhe 11 tetorit.
Arsyeja për ndryshimin e fundit është për shkak të afërsisë së saj me Turin Amerikan, i cili do të përfundojë në 13 shtator, nëse arrin të zhvillohet. Java shtesë do t’u ofrojë lojtarëve më shumë kohë për t’u përshtatur me fushën.
Pavarësisht nga ndryshimi i datave, ka akoma dyshime nesë dy turet e planifikuara do të jenë në gjendje të zhvillohen në vitin 2020. Një pjesë e fushës së tenisit në SHBA është shndërruar në një spital të përkohshëm për të trajtuar pacientët me COVID-19. Ndërkohë, në Paris, vendi do të fillojë të lirojë masat shtrënguese në 11 maj. Edhe pse restorantet, baret dhe kafenetë nuk do të hapen menjëherë.
Hera e fundit që Turi Francez nuk u zhvillua ishte rreth 70 vjet më parë, gjatë Luftës së Dytë Botërore.
Loading ...
