Edi Rama ka reaguar pas humbjes 1-0 të Shqipërisë kundër Polonisë. Kryeministri, përmes një postimi në kanalin zyrtar në facebook, shprehet optimist për atë që përfaqësuesja jonë dha sonte në fushë.
I pari i qeverisë thekson se kjo sfidë do të kishte barazimin rezultatin më të drejtë. Në facebook-un e tij, Rama shkruante:
“Me siguri nuk kuptoj nga futbolli, po nuk rri dot pa shkruar këtu sonte se kjo Shqipëri që pashë sot ishte një Shqipëri dinjitoze, me vetëbesim, përkushtim e zotësi, e cila meritonte si minimum barazimin në një stadium kundërshtar nga më të zjarrtët e Europës, kundër një Polonie të vënë në vështirësi nga fillimi në fund, prandaj përgëzime kuqezinjve për këtë debutim shumë premtues dhe kurajo e besim për më tej në rrugëtimin e saponisur drejt Eurofinaleve”.
Lexo gjithashtu
