Partizani përballet nesër me Saburtalon në Gjeorgji, në kuadër të turit të parë të Conference League. Ndeshja fillon prej orës 18:00.
Në konferencën e zakonshme për shtyp në prag të ndeshjes, krah trajnerit ishte dhe lojtari Juri Tabatadze. Mesfushori 22- vjeçar u shpreh se do jenë në fushë vetëm për fitore, teksa nuk e nënvlerëson Partizanin.
“Është ndeshje shumë e rëndësishme, ne jemi mobilizuar të gjithë, është një gjendje e mirë e skuadrës për momentin dhe do mundohemi të arrijmë rezultatin që ne duam. E dimë që nuk do jetë ndeshje e thjesht, por ne do futemi në fushë vetëm për të fituar.
Çfarë mendimi keni për Partizanin? –Është skuadër me eksperiencë në kompeticionet europiane, luan në Europë thuajse çdo vit. Nuk ka skuadra të dobëta në Conference League. Ne do provojmë më të mirën tonë dhe shpresojmë të bëjmë tifozët gjeorgjian të lumtur”, u shpreh mesfushori gjeorgjian.
Loading ...
