Partizani ka rinisur përgatitjet për ndeshjen e javës së 13-të të Superiores. Pas rikthimit nga faza përgatitore në Antalia, të kuqtë e drejtuar nga trajneri Giovani Colella kanë marrë ngarkesën e nevojshme.
Grupi është i plotë dhe të gjithë janë gati për të dhënë maksimumin ndaj shijakasve. Përmes një postimi në kanalin zyrtar të klubit të Partizanit bëhej me dije:
“Ekipi nis përgatitjet në shtëpi në prag të rifillimit të kampionatit. Pas mbylljes së minifazës në Antalia, skuadra zhvilloj sot seancën e programuar stërvitore në kompleksin sportiv Partizani. Në drejtimin e trajnerit Giovanni Colella dhe stafit teknik prezent kanë qenë të gjithë lojtarët. Java e 13-të e kampionatit i sheh të impenjuar të kuqtë përballë Erzenit, ndeshje e cila do të luhet në stadiumin "Niko Dovana" në Durrës”.
Kujtojmë që ndeshja Erzeni – Partizani është programuar të luhet të dielën në orën 15:45.
Lexo gjithashtu
