Nuk humbet prej 10 ndeshjeve radhazi, por Partizani nuk fiton prej 1 viti në derbi

Partizani ka 10 ndeshje radhazi që nuk njeh humbje në derbi, por të kuqtë nuk fitojnë ndaj Tiranës që prej 4 marsit të 2016-ës.

Gati një vit pa shijuar suksesin kundër 24 herë kampionëve të vendit, ndërsa 3 ndeshjet e fundit kanë dalë në barazim 2-2, 0-0 dhe 0-0.

Tirana nuk fiton ndaj Partizanit prej tre vitesh, ndërsa të kuqtë gjithashtu nuk festojnë trepikësh ndaj bardhebluve prej një kohe të gjatë.

Dëshira për të mos humbur një derbi është e madhe në të dyja kampet, ndërsa të hënën në orën 18:00 pritet të shihet se cila nga skuadrat do të ketë më tepër iniciativë për të thyer serinë e gjatë të barazimeve dhe të periudhës pa fitore.