Mbrojtësi i Kastriotit Edison Ndreca ka gjetur më së miri veten te ekipi krutan të cilët në këtë pjesë të dytë të sezonit kanë siguruar 3 fitore në 4 sfidat e fundit duke forcuar shpresat për të siguruar qëndrimin në Kategorinë Superiore. Fitorja e fundit në shtëpinë e Kamzës, rivalit direkt për mbijetesë nuk e ka entuziazmuar Ndrecën, i cili kërkon përqëndrim maksimal për sfidën e së dielës ndaj Laçit, ekip që mposhti Partizanin e pretendimeve të mëdha këtë sezon.
"Nuk kemi kohë për qetësi. Çdo ndeshje e kemi si finale. Shpresoj të vazhdojmë kështu me këtë ritëm që kemi. Kur të dalim nga zona e ftohtë do të jemi më të qetë. Shpresojmë t'ia arrijmë objektivit.
Çdo ndeshje është si finale. Çdo kundërshtar është i vështirë. Shpresoj që çunat ta kenë vlerësuar maksimalisht rivalin (Laçin) dhe besoj që do të dalim mirë", u shpreh 24-vjeçari.
Lexo gjithashtu
