Real Madrid ka qenë gjithmonë një “shtëpi” për yjet më të mirë të futbollit. Por që pas vitit 2014 kampionët në fuqi të Europës nuk kanë arritur të transferojnë një lojtar me reputacion të madh në
“Santiago Bernabeu”. Pogba, Suarez, Neymar Jr., Mbappe, dhe Hazard kanë mbetur dëshira në letër por asnjëherë nuk arritën të kalonin te 13-herë kampionët e Europës.
Megjithatë “Los Blancos” nuk ka ndërmend të kalojë një tjetër verë pa një transferim të bujshëm. Këtë herë të detyruar nga largimi i Cristiano Ronaldos, skuadra ka nevojë më shumë se kurrë për një pikë referimi.
Sipas “NBC Sport” spanjollët janë interesuar sërish për futbollistin e Manchester Cityt Raheem Sterling. 23-vjeçari ishte njëri prej futbollistëve kyç me të cilin Pep Guardiola fitoi titullin kampion në Angli sezonin e kaluar. 23 gola të shënuar dhe impenjimi nga krahët bëjnë që ai të jetë një lojtar që t’i përafrohet profilit të lojës së yllit portugez, por jo reputacionit dhe statistikave të tij.
Mbetet shumë pak kohë pasi merkatoje europiane mbyllet përfundimisht ditën e premte.
Loading ...
