Skuadra e Tërbunit, e cila luan në Kategorinë e Dytë, ka arritur të bëjë "goditjen" e parë në merkaton e janarit. Bëhet fjalë për Eriol Merdinin, i cili do të tranferohet tek Tërbuni.
Newsport.al mëson se sulmuesi do të jetë përforcim i parë për ekipin që pretendon të ngjitet në Kategorinë e Parë. Kjo është një goditje shumë e mirë, pasi 25-vjeçari këtë sezon ka shënuar plot 12 gola me ekipin e Spartakut, po në të njëjtën katëgori.
Ai vjen nga një formë shumë e mirë, pasi në dy ndeshjet e fundit kundër Luzit 2008 dhe Kukësit B ka shënuar dy gola.
Kujtojmë që Tërbuni ndodhet në vendin e parë, në grupin A, të Kategorisë së Dytë, me 24 pikë, një pikë më shumë se vendi i dytë që mbahet nga Gramshi.
Poll
Lexo gjithashtu
