Ardit Hila është lojtari i ri i Gjilanit. Mesfushori i njohur është zyrtarizuar sot nga ana e klubit kosovar. Përmes një njoftimi në kanalin zyrtar bëhej me dije:
"Gjilani siguron shërbimet e Ardit Hilës
Gjilan, 12 Gusht 2020-Skuadra e Gjilanit ka siguruar shërbimet e mesfushorit elbasanas, Ardit Hila.
Mesfushori 27 vjeçar i lindur në Elbasan, karrierën e tijë e nisi në qytetin e lindjes, KF Elbasani.Ai karrier në Shqipëri kishte bërë edhe në skuadra e Teutës ku kishte luajtur për tre vite nga 2015 deri në 2018, për tu transferuar tek Partizani i Tiranës dhe duke e konkretizuar një sezon të suksesëshme me të kuqët, ku arritën të shpalleshin kampion në Kategorin Superiore të Shqipërisë.
Hila ishte pjesë e suksesit të ekipit nga kryeqyteti i Shqipërisë, nga ku kishte zhvilluar 27 paraqitje në atë edicion.
Ardit Hila në skuadrën e Gjilanit vie pas një viti të kaluar tek ajo e Prishtinës, nga ku ishte paraqitur në 15 takime.
Mesfushori 27 vjeçar me skuadrën e Gjilanit ka firmosur kontratë, e cila do ta mbajë atë si pjesë e ekipit kuq e bardh për një edicion".
Kujtojmë që Hila përflitej edhe për një kalim të mundshëm te Kukësi, por edhe te Partizani. Mirëpo në fund lojtari ka zgjedhur të vijojë aventurën e tij në Superligën e Kosovës.
Lexo gjithashtu
