Vetëm para pak ditësh, Mërgim Neziri ka prishur marrëveshjen me ekipin e Kamzës, ai është tashmë një lojtar i lirë dhe si i tillë, në adresim të tij kanë ardhur ofertat e para.
Në një interstë dhënë për "Telegraf", Neziri ka zbuluar ofertat që i kanë ardhur, duke caktuar dhe periudhën se kur do të marrë një vendim lidhur me të ardhmen e tij. Ai ka zbuluar se në adresim të tij ka ardhur një ofertë nga një prej ekipeve të Superligës në Shqipëri por pa zbuluar emra konkretë skuadrash.
"Kam shkëputur zyrtarisht kontratën me Kamzën dhe tani jam futbollist i lirë. Në fillim të janarit do të vendos më saktësisht se ku do ta vazhdoj karrierën. Ka interesime nga skuadrat e Bundesliga 3, por mund ta vazhdoj karrierën edhe në Shqipëri, Maqedoni ose Kosovë. Dy skuadra nga kampionati maqedonas, një nga Shqipëria dhe dy të tjera që luftojnë për titull në Kosovë më kanë kontaktuar", është shprehur Neziri në intervistën e dhënë për "Telegraf".
Lexo gjithashtu
