Muaji nëntor do të arrijë kulmin e futbollit me Botërorin e Katarit por ekipet që nuk marrin pjesë do të realizojnë miqësoret e tyre. Italia është mungesa e madhe në Katar dhe tashmë, pas konfirmimit të presidentit Duka, italianët do të vijnë në Tiranë për të luajtur miqësoren përballë kombëtares Shqiptare në datën 16 nëntor.
Një miqësore zemre por që nuk pritet të jetë e vetmja e tillë. Sipas raportimeve nga Supersport, data 19 nëntor është e lirë për miqësorë nga UEFA dhe Federata e Shqipërise dhe ajo e Kosovës po punojnë për një tjetër vëllazërore. E veçanta e kësaj ndeshjeje është se nuk do të luhet as në Kosovë as në Shqipëri. Dy opsionet janë Gjermania dhe Zvicra me Frankfurtin më favorit. Kjo ide e drejtuesve vjen si një dhuratë për emigrantët shqiptarë që punojnë dhe jetojnë në Europë.
Lexo gjithashtu
