Trajneri i Kamëz Ramadan Ndreu ka nisur përgatitjet e para për fazën përgatitore. Edhe pse me një grup të reduktuar për shkak se Raçiç dhe Fukui ende nuk i janë bashkuar grupit, ai ka vendosur të bëjë planet për pjesën e mbetur të kampionatit. Ndër të tjera, për "Supersport', Ndreu ka konfirmuar largimin e Nezirit dhe Mustafës, duke shpejguar se largimi i dy futbollistëve është bërë me marrëveshjen e të dyja palëve.
"Për sa i përket mungesës së Nezirit dhe Mustafës, thjesht është një prishje e kontratës me marrëveshje, pasi edhe klubi ndoshta ka ato pakënaqësitë e veta, gjithsesi, u zgjidh çdo gjë me mirëkuptim. Pavarësisht lëvizjeve jo shumë të mëdha, unë kam në plan që për 2-3 ditë të mbyll të gjitha ato që kam në mendje", ka thënë Ndreu.
Trajneri i Kamzës ka folur dhe për largimin e mbrojtësit Ivan Fushtar, duke theksuar lojtari kishte humbur dëshirën ndaj dhe është lënë i lirë, duke shtuar se po bëhen kërkime për të afruar një tjetër lojtar cilësor në vend të Fushtar.
"E kishim të pamundur që të insistonim ta mbanim, pasi një sportisti kur i humb dëshira, është e vështirë ta mbash, sepse nuk jep maksimumin. Pikërisht për këtë arsye e lamë të lirë dhe i kemi financat që të kërkojmë një qendërmbrojtës tjetër, që të jetë ndoshta edhe më i mirë se Fustar", është shprehur Ramadan Ndreu.
Ndreu ka analiar dhe gjysmën e parë të kampionatit, duke u shprehur se për pjesën e mbetur do mundohet të rregullojë disa probleme që janë hasur dhë këtë gjë ai di ta bëjë shumë mirë, pasi i ditë gjitha problemet që ekzistojnë brenda ekipit.
"Unë mendoj që kur mbarojnë 2 fazat, analiza duhet zhvilluar për to në total, sepse mund ta nisësh keq dhe e mbyll shumë mirë, ndërsa ne e nisëm mirë, pavarësisht atyre luhatjeve në ndeshjet e fundit. Gjithsesi, unë si trajner ' e di se ku më pikon çatia' dhe do të sistemojmë çdo gjë", ka thënë në fund të intervistës trajneri i Kamëz.
Lexo gjithashtu
