Trajneri i Skocisë Aleks MekLeish ka folur ditën e sotme para gazetarëve ne konferencën për shtyp përpara ndeshjes së nesërme me Shqipërinë të vlefshme për Ligën e kombeve.
Tekniku skocez e ka cilësuar këtë sfidë si mundësinë më të mirë që skuadra e tij të ndryshojë perceptimin që kanë tifozët, si dhe një mundësi e artë që të luftojë për një vend në Euro 2020 pas 20 vitesh. Ai ka deklaruar se lojtarët e tij janë shumë të karikuar për këtë ndeshje.
“Futbollistët tanë duhet të ndryshojnë perceptimin e fansave për ta duke fituar ndeshjen. Po dëgjoj njerëz të thonë se ka më shumë shpresë sesa pritet, por ne duhet të ndryshojmë këtë perceptim. Kjo është një mundësi e madhe që të kthejmë emrin tonë në hartë. Lojtarët janë shumë të karikuar, gati për të përshtyrë dhe gjak në fushë po të jetë e nevojshme”, tha trajneri MekLeish.
Loading ...
