Në datën 23 nëntor, pritet të rinisin sërish kampionatet futbollistike, po ashtu dhe Superioria, pas ndalesës së sfidave të kombëtareve.
Një prej sfidave që do të luhet në datën 23 nëntor, është ajo midis Skënderbeut dhe Tiranës, në Korçë. Ekipet tashmë gjenden larg njëra-tjetrës në renditje por jo në pikë. Tirana mban vendin e 4 me 19 pikë, ndërsa Skënderbeu të 7-in me 17 pikë. Të dyja ekipet kërkojnë fitoren pasi një humbje apo barazim do tiu vështirësonte punën në objektivat sezonal. Bardheblutë vijnë pas dy barazimeve radhazi, por kjo nuk I largoi nga renditja e kreut pas hapave fals të Bylisit apo Partizanit.
Megjithatë tifozët bardheblu tashmë duan kthimin e ekipit, fitoret e njëpasnjëshme në mënyrë që të shmangin normalitetin me barazimet apo humbjet. Në prag të sfidës me Skënderbeun mbi ecurinë e skuadrës dhe kërkimin e rezultateve ka reaguar tifo-grupi I bardhebluve "Capital Crew".
"Transferta e rradhes eshte ne korce dhe kthimi me fitore eshte detyrim. Ne jemi tifozat Bardh e Blu dhe duam qe Tirona te jete Tirona dhe jo te kthehemi ne nje klub medioker, ku humbja dhe barazimi behet normalitet! Ne qoftese ju si klub nuk mundeni te mbani presionin dhe nuk e menaxhoni dot kete Klub te Madh, mbani Pergjegjesi!! Tanime mjaft me me nderrime trajneresh dhe justifikeme qesharake! Tifozat e Tirones e kan perkrahur ekipin ne shi, bore dhe me shume se kaq, deri ne gjoba, burgosje, denime kolektive nga shteti... Cdo gje qe i perket tyre ka qene me vete financim dhe sakrifica dhe nga kjo, i lind me plot goje e drejta, qe kjo histori mos te perbaltet. Ne jemi zeri i se drejtes dhe nuk duam te perbaltet me nga askush, fanella 27 here Kampione.
FORCA TIRONA", shkruan tifo grupi në rrjetin e tyre social.
Lexo gjithashtu
