Është mbyllur me fitoren e Francës me rezultatin 2-1 ndeshja më e rëndësishme e mbrëmjes në Ligën e Kombeve mes kampionëve të Botës dhe Holandës.
Takimi i zhvilluar në Paris ishte mjaft i luftuar dhe me shumë raste për shënim. “Gjelat” kaluan të parët në avantazh me anë të Mbappe në minutën e 14-të, për ta mbyllur pjesën e parë në epërsi.
Megjithatë në pjesën e dytë “tulipanët” u përmirësuan ndjeshëm duke arritur madje të barazojnë me anë të Babel pas një aksioni model. Gjithsesi Franca arriti të shënonte sërish me anë të Zhirud pas një goditje të bukur fluturimthi, për të marrë tre pikët e para pas barazimit pa gola dy ditë me parë me Gjermaninë.