Mbrëmja e sotme e dy ndeshjeve të radhës të Champions League prodhoi emocione dhe spektakël, por asnjë prej ekipeve nuk arriti të shënonte.
Liverpool-Bayern Munich dhe Lyon-Barcelona përfunduan në shifrat e bardha 0-0. Supersfida mes "të kuqve" dhe bavarezëve nuk regjistroi gol, pavarësisht se të dyja kampet i patën rastet për të shënuar.
Në pjesën e parë Salah pati një moment të volitshëm për të kaluar Liverpoolin në avantazh, por nga ana tjetër portieri Alisson Becker që evitoi një autogol. Në pjesën e dytë, ishte radha e Manuel Neuer t'i mohonte golin Sadio Manesë në minutën e 84-t duke penguar goditjen e senegalezit.
Në Francë Barcelona nuk arriti të mposhte Lyonin duke e lënë çështjen e kualifikimit në çerekfinale në "Camp Nou".
Pavarësisht se Bayern do të ketë avantazhin të fitojë falë tifozëve në "Allianz Arena", një barazim me gola i mjafton Liverpoolit të nxjerrë para kohe jashtë garës për titullin kampionët në fuqi të Gjermanisë.
Sfidat e kthimit do të zhvillohen në 13 mars.
Lexo gjithashtu
