Shumë do ta quajnë manipulim, shumë të tjerë mrekulli, por në ndeshjen e raundit të tretë të Europa League midis Zenitit të Shën Petërburgut dhe Dinamos së Minskut ka ndodhur e pabesueshmja. Rusët humbën thellë në ndeshjen e parë në Bjellorusi 4-0, por arritën të rihapnin kualifikimin për raundin e “play-off”-it duke barazuar brenda 90 minutave 4-0 dhe me një lojtar më pak pas daljes me karton të kuq të mesfushorit argjentinas Paredes në minutën e 72-të. Në kohën shtesë brenda 11 minutave rusët shënuan dhe 4 herë të tjera ndërsa bjellorusët shënuan vetëm një herë. Përfundimi i takimit 8-1 ngre dyshime të mëdha nëse ky takim ka qenë i fiksuar.
Fenomeni i shitjes së ndeshjeve është bërë i rëndomtë vitet e fundit në futbollin europian, ku dhe Luftëtari në debutimin në Europa League humbi me rezultate skandaloze 4-0 dhe barazoi në të dytën 3-3. Por deri më tani nuk është marrë asnjë masë ndaj skuadrave të dyshuara nga UEFA.
