Partizani ia doli që të triumfojë ndaj Tiranës në një derbi që ishte vërtet spektakolar. Të kuqtë fituan 2-1 ndaj rivalëve të përjetshëm, teksa minutat shtesë ishin të çmendura.
Gjithsesi për të parë golin e parë të sfidës në “Air ALbania” u desht të vinte minuta e 78-të kur Maguet do të mposhte bardheblutë. E kur dukej se ky derbi do të përfundonte me këtë rezultat mendoi të ndërhynte Florent Hasani. Ky i fundit çoi në festë të gjithë bardheblutë, pasi në minutën e 90-të do të barazonte shifrat.
Fatkeqësisht festa e Tiranës zgjati pak, pasi në minutën e 90+2 do të ishte Mensah që do të rikthente të kuqtë në avantazh për t’iu dhuruar kështu edhe 3 pikët. Tashmë kryeqyteti është i gjithi i kuq.
Pas këtij triumfi që vlen më shumë se 3 pikët, Partizani ka shkruar në rrjetet sociale se: “Kryeqyteti ka vetëm një ngjyrë”.
Lexo gjithashtu
