Pak ditë më parë qarkulloi një lajm se brenda klubit të Domozdovës kishte lindur një mosmarrëveshje mes kryetares së bashkisë së Prrenjasit, Miranda Rira, trajnerit të skuadrës, Erald Karriqit dhe dhe Ledion Qoshkut që pretendohet se është shefi i klubit.
Kjo mosmarrëveshje u tha se kishte lidhur për faktin se të tre personazhet në fjalë ende nuk kishin vendosur se kë do të votonin për president të FSHF-së në datën 7 shkurt, gjë e cila është hedhur poshtë nga Qoshku, i cili është shprehur se tashmë gjithçka është vendosur dhe se nuk ka asgjë të vërtetë në atë që është shkruar pak ditë më parë.
"Duke marrë shkas nga një shkrim në një port'hal i një 'shokut' tim, që ënderron ti ngjajë Tan Hoxhës, desha të sqaroj shkurt situatën në klubin Domozdova lidhur me zgjedhjet në FSHF. Rastësisht dhe fatmiresisht, me Kryetaren e Bashkisë, znj. Rira dhe trajnerin Karriqi jemi në një mëndje, që votën tonë për President të Federatës t'ja 'japim' kandidatit më të mirë që ne kemi menduar, ne unanimitet. Se kush do ta delegoje votën, nuk eshte e rendesishme, se ne tashmë e kemi vendosur dhe të them të drejtën më kanë bërë 'nder' që më kanë lënë pushim të mërkuren, pasi jam shumë i zënë me punët e mia. Faleminderit për mirkuptimin"!
Lexo gjithashtu
