Empoli është një klub jo i panjohur i Serie A, ku aktivizohet legjionari Ismajli. Mirëpo, në ekip lojtarit të Komëbtares mund t’i bashkohet një tjetër shqiptar.
Eugen Hebovija është futbollisti i cili po kalon një peirudhë prove në klubin toskan. Talenti kuqezi është ftuar nga italianët për t’u parë me imtësi nga data 3 deri më 5 shkurt. Në këto ditë, lojtari i ri do të ketë mundësi të bind blutë për aftësitë e tij.
Hebovija është pjesë e Vllaznisë. Ai momentalisht luan në zinxhirët e moshave dhe konkretisht në ekipin U-17 të shkodranëve. Eugeni është produkt i akademisë kuqeblu dhe me cilësitë që gëzon ka bërë që skautët t’i vihen pas.
Së shpejti “kolonia” shqiptare mund të shtohet në klubin italian dhe një “yll” i ri i futbollit shqiptar mund të ketë shansin të dal në skenë në ligën italiane ku shumë shqiptarë kanë rënë në sy vitet e fundit.
Lexo gjithashtu
Euro U-17 për vajza/ Shqipëria nis grumbullimin, fton 19 futbolliste
U dëmtua në sfidën e Kupës, mësohet sa do të mungojë Pano Qirko
Partizani tenton finalen në Kupë, Vora pengesa e fundit e "Demave"
