
Real Madrid dhe Barcelona zhvilluan “El Clasicon” numër 250 mes tyre. Sfida u mbyll me shifrat 3-1 duke sjell triumfin e radhës dhe kreun e renditjes për madrilenët.
Golat e takimit u realizuan nga Benzema, Valverde dhe Rodrygo për të zotët e shtëpisë. Reagimi i vetëm për Barcelonën erdhi nga Ferran Torres. Në fundin e takimit trajneri Xavi Hernadez nuk i ka kursyer aspak kritikat për ekipin.
Prononcimi i trajnerit të Barcelonës, Xavi Hernandez:
"Ndjenja që humbëm vjen sepse jemi në një moment negativ, në të cilin përpiqemi deri në fund pa asnjë rezultat. Sot ka vetëm tre pikë të humbura asgjë më shumë, fati i keq ishte e që nga e mërkura ndaj Inter. Patëm mundësinë të kryesonim të vetëm në renditje, por nuk e shfrytëzuam pavarësisht mundësive të shumta. Reali u mbrojt shumë mirë. Ne patëm një mundësi të artë me Ansu Fatin për të barazuar nuk ia dolëm dhe më pas erdhi penalltia e tyre. Jemi në një moment shumë të keq, por ishim shumë mirë në kampionat. Në rastin e parë ata shënuan dhe pse ne dominuam. Kishim shanset tona, por kur nuk i shfrytëzon ato, në Bernabeu e dimë të gjithë Real nuk të fal”.