Pas largimit të dyshes Maldini-Massara, skuadra e Milanit është vënë në lëvizje në këtë merkato për të përforcuar ekipin. Pas afrimeve të shumta duket se Moncada kërkon ta vazhdojë përforcimin nga mbrojtja ku më i pëlqyeri është mbrojtësi i krahut të djathtë Noussair Mazraoui.
Marokeni i transferuar tek Bayern Munich verën e kaluar duket se nuk ka patur minutat që ai priste tek rekordmenët gjerman. Mesa duket as Thomas Tuchel nuk e sheh në planet e tij 25-vjeçarin.
Lojtari po e mendon seriozisht largimin dhe Milani është vënë menjëherë në lëvizje për të përfituar nga kjo situatë. Anësori maroken vlerësohet 20 milionë euro nga bavarezët, por mund të bien dakord edhe me huazim me të drejtë blerje. Ky opsion duket si më i mundshmi edhe nga kuqezinjtë.
Lexo gjithashtu
