Menaxheri i përgjithshëm dhe shefi i sektorit tekniko-sportiv të Milanit Leonardo ka dalë në konferencën e sotme për shtyp për të zyrtarizuar mbylljen e merkatos së “Djallit”. Ish-tekniku i Interit dhe Milanit deklaroi se në lidhje me lajmin e tranferimit të të yllit të Lazios Sergej Milinkovic-Savic në “San Siro” nuk ka patur kurrë një marrëveshje midis skuadrave.
“Nuk kemi negociuar kurrë për Milinko-Savicin. Me agjentin e tij Kezman kemi folur, nuk e mohoj, por negociata nuk ka pasur kurrë. Ne e dinim që në fillim se një gjë e tillë nuk është e mundur; një lojtar me kosto kaq të lartë nuk i përshtatet nivelit të vendosur nga ne dhe UEFA. Operacionet që kemi kryer janë kombinuar mirë: një hyrje dhe një dalje. Ato kanë patur një impakt shumë të vogël në buxhet. Mendoj se skuadra është bërë më kompetitive”, deklaron Leonardo.
Loading ...
