Lionel Messi është shpallur për të gjashtën herë në histori fitues i “Topit të Artë”. Sulmuesi i Bracelonës ka kaluar kështu Kristiano Ronaldon, në luftën e heshtur individuale. Në lidhje me çmimin, “Pleshti” u shpreh i emocionuar, duke theksuar se këtë gjë nuk e ka bërë askush në histori.
Argjentinasi është ndalur të flasë edhe për të ardhmën e tij te Barcelona, duke ngritur peshë zemrat e fansave katalanas. “Nuk është momenti për të folur mbi këtë gjë, por di të them se ajo çka ndiej për këtë klub tejkalon çdo kontratë të shkruar. Besoj se do jem në aktivitet gjatë, paçka se vitet kalojnë dhe mosha bën të vetëm”. Messi duket se pengun e vetëm në karrierë ka arritjet me kombëtaren argjentinase, duke mos ngritur drejt qiellit asnjë trofe me fanellën e vendit latin.
