Kur do dhe pak javë që të nisë merkatoja, në kampionate të ndryshme drejtuesit e klubeve kanë nisur nga puna për afrimin e lojtarëve të rinj, duke mos përjashtuar dhe largimet e mundshme me qëllim përfitimet e majme.
Diçka e tillë pritet të ndodhë te Milani në Itali. Sipas asaj që shkruan "Corriere dello Sport" për ditën e sotme, mësohet se Suso do të jetë lojtari që me shumë mundësi do largohet nga kuqezinjtë në fund të sezonit.
Klauzola e tij ka shifrën e 38 milionë eurove, shumë që mund të paguhet lehtë nga shumë klube. Në "luftë" për shërbimet e spanjollit janë hedhur Atletico Madrid, Tottenham, Liverpool e dhe Napoli. Vetë klubi italian ka konfirmuar se nëse kjo shumë ofrohet, ata janë të gatshëm për hapjen e negociatave. /NEWSPORT.AL/
Lexo gjithashtu
