Mesfushori i Skënderbeut, Nazmi Gripshi ka folur për situatën aktuale në të cilën ndodhet skuadra e tij. 21-vjeçari i cili erdhi nga Teuta për të plotësuar ëndrrrën e tij në Korçë shprehet besimplotë se tani është koha që ai të tregojë vlerat.
Edhe pse ai ka siguruar tashmë një vend si titullar te Skënderbeu, nisur nga situata në të cilën ndodhet skuadra momentalisht, Gripshi nuk përjashton mundësinë që këtë aventurë ta përdorë si trampolinë për tu larguar nga Shqipëria, gjithmonë duke folur paraprakisht me drejtuesit e klubit.
"Ky ekip është i përbërë nga të rinjtë, por nga dita në ditë do të plotësohet me prurje të tjera. Besoj se ne do të jemi sërish pretendentë për titull. Është e vërtetë që janë larguar shumë futbollistë me eksperiencë nga skuadra, por e gjitha kjo situatë nuk ka pse përse të ndikoj. Çdo futbollist që vjen te Skënderbeu provon të jap më të mirën e tij. Ky është momenti i mirë për lojtarët që kanë pak minuta në këmbë, pasi ne duhet të tregojmë vlerat tona. Skënderbeu hyn gjithmonë në fushë për të fituar titullin kampion dhe kjo nuk ndryshon as këtë herë. Sa i përket aspektit personal, unë jam ende në kontratë me Skënderbeun. Nëse do e përdor këtë mundësi si një trampolinë për të kaluar jashtë Shqipërisë, atëherë do të bisedoj me drejtuesit e klubit", është shprehur Gripshi në fjalën e tij.
Lexo gjithashtu
