Ardhja e Kristiano Ronaldos duket se ka ngushtuar së tepërmi hapësirat në mesfushën e Juventus. Kjo ka bërë që largimet të jenë të shumta, por natyrshëm që pak veta e prisnin që pjesë e këtij eksodi të ishte dhe Klaudio Markizio.
Legjenda e "Zonjë së vjetër" i ka dhënë sot zyrtarisht lamtumirën torinezëve, pas 25 vitesh me fanelën bardhezi duke përfshirë dhe ekipet e moshave. Mesfushori 32-vjeçar prej dy sezonesh e kishte humbur rolin e titullarit, e tashmë ka vendosur të nis një aventurë të re, e me shumë mundësi të fundit në karrierën e tij si futbollist në Kanada me Montreal Impact.
Lajmi është konfirmuar edhe nga vetë klubi i Juventus, me Markizio që bëhet lojtari i rradhës simbol i "Zebrave" që tashmë nuk do jetë më pjesë e skuadrës në sezonin e ri pas portierit Bufon. Ai u bashkua me ekipin e parë në vitin 2005, e që atëhere ka luajtur 294 ndeshje me fanelën me numrin 8 mbi shpinë, duke shënuar dhe 33 gola.
[gallery columns="1" size="full" ids="268846"]
Lexo gjithashtu
