Një lajm aspak i mirë vjen nga mediat britanike. Sipas “The Times” PSG-ja po harton një plan për të ulur deri në 30% rrogat e futbollistëve deri në fillim të sezonit të ardhshëm.
Një vendim ky që prek drejtpërdrejt yjet e parisienëve. MESSI-MBAPPE-NEYMAR janë 3 nga lojtarët më të paguar në skuadër, të cilët janë të parët që mund të behën edhe “kokë turku”, ose ndryshe njëri prej tyre do të duhet të largohet nga Parisi.
Messi ka kontratë deri në fund të sezonit, por ende nuk ka vendosur nëse do të vazhdojë bashkëpunimin me PSG-në. Ai ka të ardhura vjetore neto prej 35 milionë eurosh. Futbollisti argjentinas ka oferta nga klube të shumta dhe në muajt e ardhshëm duhet të bëjë të ditur se ku do të vazhdojë karrierën.
“The Times” thekson se Mbappe duhet të qëndrojë në Paris dhe drejtuesit e PSG-së janë afër vendimit për të mbajtur Messin, por për të shitur Neymarin, i cili ka të njëjtën pagë me futbollistin argjentinas. Megjithatë, braziliani ka kontratë me kampionët e Francës deri në qershor të vitit 2025.
Lexo gjithashtu
