Policia e Elbasanit ka bërë publike masat e ndërmarra për mbarëvajtjen e takimit të Champions Ligës mes partizanit dhe Ferencvarosh që do të zhvillohet në “Elbasan Arena” ditën e mërkurë, 13 korrik, ora 20:00.
Duke filluar nga ora 18:00 nuk do të lejohet parkimi i mjeteve përreth dhe përballë stadiumit. As në bulevardin “Kamber Sejdini” nuk do të lejohet qarkullimi apo parkimi i mjeteve.
Për këtë takim do të angazhohen gjithsej 185 punonjës policie. Fëmijët e papajisur me biletë nuk do të lejohen të futen në stadium, ndërsa do të ketë kontroll në hyrje të stadiumit për çdo tifoz. Tifozët duhet të jenë të pajisur me kartë identiteti dhe nuk duhen të mbajnë me vete sende të forta, shishe, fishekzjarre, monedha apo metale.
Poll
