Pas skandalit të ndodhur me Luis Rubialës, ky i fundit dha dorëheqjen nga posti i presidentit në Federatën Spanjolle të Futbollit. Prej javësh tashmë përflitet lart e poshtë për pasardhësin e tij. Iker Casillas ishte i pari që u përfol, ndërsa tashmë një tjetër emër i njohur ka dalë në skenë.
Por ish-portieri i Realit e ka mohuar diçka të tillë dhe tashmë një ish-gjyqtar është në “pole position”. Sipas “Marca” bëhet fjalë për Antonio Mateu Lahoz. 46-vjeçari nga Valenciac arbitroi në La Liga në vitet 2008-2023. Prej vitit 2011 Lahoz mbante edhe stemën e FIFA-s, duke gjykuar duele të ndryshme në kompeticionet europiane për klube.
Ndërkohë që mori pjesë edhe në Botërorët Brazil 2014, Rusi 2018, Katar 2022. Europianin Euro 2020, si edhe në Lojërat Olimpike Verore Brazil 2016. Më 30 qershor të këtij viti, Lahoz u tërhoq përfundimisht duke e mbyllur me gjykimin. Dhe tani është një nga kandidatët kryesorë për t’u bërë presidenti i RFEF.
Lexo gjithashtu
