Marash Kumbulla aktualisht ndodhet jashtë fushave të blerta, pasi ende nuk e ka kaluar dëmtimit që mori muaj më parë. Mbrojtësi i kombëtares vazhdon fazën e rikuperimit për t’u rikthyer sa më shpejt në urdhrat e Jose Mourinhos. Por dita e sotme është një ditë e veçantë për lojtarin kuqezi. Nëpërmjet një postimi në rrjetet sociale, Kumbulla ka rikujtuar ditën e parë kur ka debutuar me fanelën e Romës, ndërsa thekson se dashuria për këtë klub vazhdon të rritet. “Kanë kaluar saktësisht 3 vjet nga hera e parë që luajta me këtë fanellë dhe dashuria për të ka vazhduar të rritet... Mezi pres ditën që ta vesh sërish dhe të kthehem për të mbrojtur këto ngjyra! Hajde Romë”, ka shkruar Kumbulla. Kujtojmë se ka debutuar kundër Juventusit në "Olimpico" me sfidën që do të mbyllej në barazim 2-2 dhe Kumbulla do të luante për 90- minuta.

 

View this post on Instagram

 

A post shared by Marash Kumbulla (@maxkumbulla)