Pas përfundimit të ndeshjes Itali-Angli foli për “Rai Sport” trajneri i “Azzurëve” Roberto Mancini. Ai u shpreh i zhgënjyer për humbjen 1-2 në shtëpi dhe shprehu bindjen që skuadra e tij meritonte më tepër.
“Përmbysja? Ne filluam të shtynim përpara në pjesën e dytë, gjë që nuk ia dolëm në të parën. Pjesa e dytë pa një kombëtare të madhe dhe kjo premton për më shumë.
Pjesa e parë? Ata ishin të rrezikshëm në vendosje. E pranuam ashtu pjesën e parë dhe pas 2-0 ndeshja u bë më e vështirë. E meritonim dhe një gol në pjesën e dytë. Përveshëm mëngët dhe nisëm sulmet.
Retegui? Ai kaloi tre ditë me ne dhe duhet të njohë shokët e tij të skuadrës dhe futbollin italian.
Performanca e tij? Ai ka pasur vështirësi sepse mbrojtësit e fortë fizikisht anglez e kufizuan atë. Ai ka nevojë për pak kohë.”
