Luis Birçaj mund të ishte kthyer në heroin e Partizanit, dje kundër Dinamos. Sulmuesi 20-vjeçar tentoi supergolin në minutën e 91', por vetëm shtylla e ndali.
Lojtari i afruar nga ekipi U21 i Partizanit, u aktivizua në vendin e Gjelbrim Taipit kur luhej minuta e 85'. Pak kohë mjaftoi për të pasur zbritje të rrezikshme prej tij dhe rasti i përmendur më sipër.
Birçaj ishte sezonin e kaluar golashënuesi i Kategorisë Superiore U21. Ai spikati me golat dhe lojën sulmuese të tij, prandaj dhe të kuqtë i besuan duke i lidhur kontratë 4-vjeçare.
Kujtojmë se Partizani nuk shkoi dje më shumë se barazimi 0 me 0. Sfida e radhës është po ashtu derbi, ai kundër Tiranës që pritet me interes nga i gjithë opinioni sportiv në vend.
Kliko këtu (VIDEO E RASTIT)
Lexo gjithashtu
