Pierre Emerick Aubameyang mund të largohet nga Barcelona. Pas afrimit të Robert Lewandowskit, vendi i titullarit për sulmuesin gabonez është në rrezik. Në këtë mënyrë largimi i tij nga “Camp Nou” është në prag. Mediet e huaja kanë nisur menjëherë nga puna duke bërë me dije se lojtari po bën gati valixhet.
Konkretisht është Fabrizio Romano që raporton se Chelsea është i interesuar për të transferuar në Londër lojtarin afrikan. Bisedimet kanë nisur me futbollistin, por ende me klubin e Barcelonës që padyshim s’do ta linte të lirë pa një ofertë tunduese. Pritet të shihet se çdo të ndodhë, por mbërritja e polakut në Spanjë rrezikon seriozisht vendin e titullarit te Barcelona.
