Myrto Uzuni është lideri i Granadas këtë sezon. Sulmuesi i kombëtares shqiptare ka arritur që me golat dhe përformancën e tij të marrë për “dore” skuadrën për në ngjitjen në La Liga sezonin e ardhshëm.
Paraqitjet e 27-vjeçarit kanë marrë edhe vëmendjen e mediave spanjolle të cilët nuk kanë hezituar t’i kushtojnë artikuj. “Marca” ka bërë edhe analizën e beratasit me fanelën e Granadas dhe të qenurit vendimtarë me golat e tij, ku sipas medias prestigjioze kanë gjithmonë vlerë 3 pikëshi.
“Granada fiton gjithmonë kur Myrto Uzuni shënon. 17 realizimet e tij përbëjnë 50% të golave të ekipit.
Uzuni zbarkoi në Granada pa krijuar pritshmëri të mëdha. Emri i tij nuk bëri jehonë në thashethemet futbollistike, por shqiptari nuk vonoi të shfaqte cilësitë së tij, duke u kthyer në idhullin e tifozëve.
Shqiptari është golashënuesi më i mirë në La Liga 2 me gjashtë gola më shumë se Raúl García i Mirandésit, ndjekësi i tij më i afërt.
Gola që përkthehen edhe në fitore për skuadrën “bardhekuqe”, e cila gjithmonë merr tri pikë kur Uzuni “shpon” portën rivale, gjë që tregon rëndësinë e futbollistit në skuadrën e Paco López. Myrto Uzuni ka shënuar në dhjetë ndeshje të ndryshme të kampionatit dhe sa herë ka e ka dërguar topin në rrjetë rezultati ka qenë i njëjtë: triumf për Granadën.
Përveç kësaj, beratasi ka zhbllokuar rezultatin në shtatë ndeshje ku ka shënuar, duke i hapur rrugën fitores së andaluzianëve. Uzuni i ka siguruar Granadës gjithsej 20 pikë me golat e tij, duke nënshkruar mesatarisht një gol çdo 105 minuta. Mund të krahasohet për nga efikasiteti me Lewandowkin, që shënon çdo 102 minuta”, shkruhet në artikullin e “Marcas”.
Lexo gjithashtu
