Të jesh një trajner i një ekipi futbolli nuk është një punë edhe aq e thjeshtë. Presioni për rezultatin si edhe mbajtja e një harmonie sa më të mirë në skuadër bien thuajse gjithmonë mbi drejtuesin e stolit. Një gjë të tillë e konfirmon edhe legjenda e ekipit të Liverpool, Steven Gerrard. Ish-mesfushori tani punon si trajner në akademinë e Liverpool dhe e pranon se një punë e tillë nuk është aspak e lehtë.
"Tani që jam pjesë e futbollit por në rolin e trajnerit gjithçka më duket akoma më e vështirë. Puna e trajnerit qenka me të vërtetë e komplikuar dhe mund të them se në 6 muaj që drejtoj ekipin jam plakur 2 vjet. Është një punë stresuese ku çdo ditë duhet të jesh në kulmin tënd dhe të arrish t'iu përcjellësh lojtarëve idetë e tua për lojën".
Lexo gjithashtu
