Fabio Cannavaro ka komentuar situatën në të cilën ndodhet klubi ku ai u rrit, Napoli. Ata renditen të parët në Serie A dhe janë me një këmbë në çerekfinalet e Champions League. Cannavaro mendon se ekipet italiane dhe sidomos Napoli duhet të qëndrojnë me këmbë në tokë pas sukseseve në Europë.
“Një raund pozitiv nuk do të thotë asgjë”, shprehet Cannavaro. “Në futboll ka shumë ritëm dhe shumë ndalime. Sigurisht ne kemi skuadra që po bëjnë shumë mirë për momentin si Napoli, e cila është në gjendje të mundi këdo sot. Sidoqoftë ky nuk është rezultat i kampionatit por i programit që ata kanë ndjekur”, është shprehur Cannavaro.
