Dje, Dinamo luajti kundër Tiranës, ndeshje që përfundoi me rezultaitn 2-0 në favor të dinamovitëve. Edhe në këtë takim, sistemi VAR nuk ishte i pranishëm ku gjyqtari Florian Lata duhej të vendoste vetë në fushën e blertë. Në minutën e 65-të të takimit kishte vend për moviolë. Aleksandër Isaevski bën një ndërhyrje të gabuar në gjysmë të fushës dhe arbitri Lata akordon menjëherë faull dhe karton të verdhë.
Por, nga pamjet filmike rezulton se ish-mbrojtësi i Vllaznisë duhej ndëshkuar me të kuq. Taka e ngritur mbi trupin e kundërshtarit rrezikon seriozisht shëndetin e tij. Dhe sipas udhëzimeve të UEFA-s, çdo ndërhyrje me apo pa dashje që rrezikon shëndetin e çdo lojtari në fushë ndëshkohet automatikisht me karton të kuq. Kujtojmë që sfida ishte vlefshme për turin e dytë të Kupës së Shqipërisë dhe u luajt në stadiumin "Air Albania".
Lexo gjithashtu
