Harry Kane është në qendër të vëmendjes, pasi ka zëra që mund të largohet nga skuadra e Tottenham. Për këtë ka folur trajneri i klubit anglez, Ryan Mason, i cili shprehet se nuk ka dijeni në lidhje me një “divorc” të mundshëm me sulmuesin e njohur.
Edhe pse kapiteni i “Tre Luanëve” ka shprehur hapur dëshirën për një aventurë të re, trajneri i “Spurs” kërkon të shmanget teksa thotë para gazetarëve: “Me sa di unë, Kane nuk ka kërkuar të largohet. Bisedat që kam pasur me të kanë qenë në lidhje me ndeshjen e ditës tjetër. Nuk e di një gjë të tillë”, ka përfunduar ai.