Napoli u mposht nga Empoli me shifrat 0-1 në sfidën e javës së 12-të të Serie A. Një humbje që i largon kampionët edhe më shumë nga kreu i klasifikimit, teksa tashmë vendi i parë që mbahet nga Interi është plot 10 pikë larg.
Një humbje që shkaktoi “tërmet” te napolitanët. Presidenti De Laurentiis i ka komunikuar vendimin e shkarkimit Rudi Garcias, teksa pritet vetëm zyrtarizimi nga ana e klubit. Tashmë në listën e kreut të klubit janë 3 opsione për të zëvendësuar Garcian.
Sigurisht në “pole-position” është Antiono Conte, me këtë të fundit që nuk e ka fshehur kurrë dëshirën për të drejtuar Napolin. Pas tij një alternativë është edhe Igor Tudor, i cili ëhstë pa skuadër që prej largimit nga Marseille në merkaton e verës.
Një tjetër kandidat është edhe Fabio Cannavaro, i cili do të ulej për herë të parë në stolin e një skuadre në Serie A. Mbetet të shihet se kush do të jetë pasuesi i Garcias në stolin e Napolit.
Lexo gjithashtu
