Pas vendimit të marrë pak më para nga Komisioni i Apelit, klubi i kuq ka reagur me një shkrim në faqen zyrtare në “Facebook”.
“KLUBI REAGON NDAJ VENDIMIT TE KOMISIONIT TE APELIT
Klubi i Partizanit “përshëndet” vendimin e Komisionit të Apelit, i cili ka lënë në fuqi të njëjtin dënim si edhe Komisioni i Disiplinës, me katër ndeshje pezullim. Përgëzojmë “besnikërinë” e servilëve që janë punësuar dhe paguar në mënyrë direkte ndaj eprorit të tyre. Shpresuam dhe kërkuam drejtësi, duke i dhënë shansin për herë të fundit institucioneve të (pa)varura gjyqësore të futbollit, por sinjali i tyre ishte shqetësues për futbollin në Shqipëri. Nuk dorëzohemi as për titullin kampion dhe as për të kërkuar futboll të ndershëm. Klubi i Partizanit garanton se titulli i sivjetëm do jetë më i bukur, jo prej kohëzgjatjes nga trofeu i fundit, por sepse do i japim një leksion ndershmërie të gjithë këtij sistemi të kalbur, duke nisur nga drejtuesit e FSHF-së, punonjësit e tyre që për një rrogë po shesin edhe idealet, ashtu edhe të gjithë puthadorët e presidentit të Federatës, që shpresojnë për të marrë “dhurata” dhe tolerime. Partizani nuk është vetëm, por i gjithë shqiptarëve. Drejtësia vonon, por nuk harron!”, shkruajnë drejtuesit e Partizanit në “Facebook”.
Loading ...
